Nechün qaqshap yashaysen berginige shükri qil,
Közüng yorugh dunyani körginige shükri qil.
Shiwirlighan maysilar gilem boldi yolunggha,
Éqin sular öyüngge kelginige shükri qil.
Bashin égip derexler, yüz ming nazu - németler,
Desturxanni toldurup turghinigha shükri qil.
Bahar bilen qoshulup, derwazanggha bash urup,
Aywaninggha qarlighach qon'ghinigha shükri qil.
Siqimdalghan qolida yurt tuprighi balangning,
Güs-güs qedem tashlap, yürginige shükri qil.

Taghliringni ching saqla , qumliringni siqimda,
Déngiz - okyan temesi sanga yattur shükri qil.
Temtileydu oghlaning, temtireydu perzenting,
Sen bolmisang yanida shüklep qalar shükri qil.
Potla bolghan chokantal tirgenlerde yelpüner ,
Sen bolmisang hidliri hidlinalmas shükri qil .
Köp qaridim yolunggha , ikkila kün déwiding ,
Ishi chiqti deptimen , emdi boldi shükri qil .
Buraderlik qérimas , aman bolsaq deptimen ,
Atlap bopsen bosugha musapir bop shükri qil .
Izdep barghan bolghiyding , Shahmeshrepning izini,
Sanga hazir teshnadur perzent qelbi shükri qil .
Tilghan'ghandur shu tapta jigerlering , tilliring ,
Tilghimighin perzentning jigerini shükri qil !