Meshreb ghezelliri
(1)
Nemen'gan shehiridin ketsem méni yoqlar kishim barmu?
Ghéribliq shehiride yürsem méni yoqlar kishim barmu?
Qéni qewmu qarindashim, bu yolda bolsa yoldashim,
Közümdin aqquzup yashim, méni yoilar kishim barmu?
Muhebbet sherbetin ichtim, qazandek qaynaban tashtim,
Bu fani dunyadin kechtim. Méni yoqlar kishim barmu?
Tüshüptur bashime sewda, rumuzi ishqidin ghewgha,
Özige eyledi sheyda, méni yoqlar kishim barmu?
Turarghe taqetim yoqtur, yürerge haletim yoqtur,
Yürekte ishq oti köptur. Méni yoqlar kishim barmu?
Qararim yoq turay disem, nemen'gande yürey disem,
Jahanni seyr étip kezsem méni yoqlar kishim barmu?
Bu miskin zari meshrebning kishi halini bilmeydu.
Bu yerdin bash alip ketsem méni yoqlar kishim barmu?
(2)
Seherde tolghanip tolghaqde tapqan bir balang keldi.
Yüzi aqu – qizil güldek shehidi kerbalang keldi.
Anadek mihriban qayde, atadek ghemguzar qayde,
Ulardek ich köyer qayde, ghérip bolghan balang keldi.
Ana razi xuda razi, muhemmed chahar yar razi,
Riza bolghil ana janim, dua alghan balang keldi.
Bu meshrebning duasini xudaya naümid etme,
Közi yashliq, dili ghemlik bu sarghayghan balang keldi.
(3)
Setarim tarighe jan rishtesidin tar éship salsam,
Aning kim nalesidin biwepaning könglini alsam.
Muqam alip muqam ichre muqamni dilghe ja qilsam,
Muhebbet koyighe salse, aning aldide men chalsam.
Muqamlarning atasini huseyni we ejem derler,
Bulardin yuqari kim perdei bayadini chalsam.
Bayadi heq teala yadide chalsam peyapey kim,
Ki köngül binewa bolghanini bilsem nawa chalsam.
Kel éy meshreb, qedeh sun'ghil, bolayin mestu musteghreq.
Bir ilge kasei tenbur, birige jamni alsam.
Calendar
Sun Sep 13 2015, 15:12 by 
Mawzu: Meshreb ghezelliri 