Mushundaq towlash bilen uning gheyriti hessilep ashqandek boldi, shu tapta pütün dunyadiki xéchirchilar topliship kélip uninggha chaplashsimu, u bir qedemmu chékinmigen bolatti.
-- Bu kitabning ikkinchi, üchinchi, tötinchi qisimlirining issitmisi örlep ketken, azraq sürge ichüriwetse bolidu.
…Tirishchan, eqilliq heriler tashlarning yériqliri we derexning kamarlirida jumhuriyet qurghan idi.
…Beziler özining xushluqi üchün, özi yaqturghan kishini ippettin mehrum qilishqa urunidu… Ippet – ichki güzellik, bundaq güzellik bolmisa, jismanen herqanche güzel bolghan bilenmu güzel sanalmaydu.
Don Kixot Sanchuning özini zangliq qiliwatqanliqini körüp, iza tartqinidin ghezipi örlidi-de, neyzisini kötürüp ikkini urdi. Eger bu ikki tayaq uning yelkisige emes, béshigha tegken bolsa, u halda uninggha ish heqqi töleshning hajiti qalmaytti.
-- Az dégende, siz neyzini del salidikensiz, -- dédi Sanchu, -- Méning kallamgha dellep uruwédingiz, yelkemge tegdi. Bu ishta méni xuda saqlidi, özümmu chaqqanliq qildim.
Pak ayal xuddi kiristal eynekke oxshaydu, uninggha püdiseng tutuq bolup qalidu. Ularni peyghemberning tawab qilsa bolidighan, tutsa bolmaydighan tewerrükige oxshash körüsh kérek.
-- Bu gepni uninggha qaratqili bolmaydu,-- dédi Réonéra,-- anglishimche, muhebbet bezide uchup yürermish, bezide piyade; Bezilerning muhebbiti yügürermish, bezilerning qatrap mangarmish… Muhebbet bir qorghan'gha etigende hujum qilsa, kechqurun élip qoyarmish, chünki uning küch-qudritige héchnéme teng kélelmesmish.
Uning éri Don Férnando birnechche qétim kishi yoq chaghda léwi bilen uningdin azraq muhebbet heqqi alghan iken.
Bu mejnunning Lamanchada qilghan ishliri,
Xasung Dé Kritani chüshetti bésip,
Toxuningkidek ötkür idi kallisi,
Biraq héch iz qaldurmastin u qaldi kétip.
Men chonglarning bext kelse körmiseng, kétip qalsa renjime, dégen gépini anglap turimen. Hazir bext bizning derwazimizni qéqiwatidu, biz derwazini taqiwélip achmay turuwalsaq bolmaydu.
U qarangghuda kapamlap aghzigha salatti, her bir kapimi kala baghlaydighan arghamchining tügüchlirige oxshaytti.
Méning xaltamda bir parche qétip ketken irimchik bar, tashtek qétip ketken. Atsang diwiningmu béshini yaridu.
Kim pelekning chaqigha mix qéqip qoydum déyeleydu?
-- Üzüp éytqanda,-- dédi Don Kixot,-- Sanchu sen menpeetkila bérilidighan chakina ademsen, “ghaliplar yashisun” dep towlaydighan némilerdinsen.
Sizdin sorap baqay: birinchi bolup béshini qashlighan kim? Siz hemmini bilidikensiz, bunimu choqum bilsingiz kérek. Men choqum bizning ejdatimiz Adem’ata bolsa kérek dep aylaymen.
-- Jezmen shu,-- dep jawab berdi héliqi adem.—chünki Adem’atining béshi bar idi, chéchimu bar idi.
--Undaq bolsa, séning hékayeng mushuning bilen tügidimu?—dédi Don Kxot.
-- Hee, anam rehmiti tügigen’ge oxshash tügidi,--dédi Sanchu.
Aptori: Sérwantés (Ispaniye)
Calendar
Sun Sep 13 2015, 15:12 by 
Mawzu: "Don Kixot" Romanidin