Filyetonni némishqa alahide yaqturushumning sewebini daim öz-özümdin sorap turi- men. Jawabim shu boldiki, özümning aldirangghuluqidin aghzi bésiqmay gep satidighan, jild-jildlap yézilghan zor eserlerni oqush we yézishqa taqitim yoq iken. Muhimi shu boldiki, heqiqet haman chüshinishlik hem keskin bolidu. Gepni uzartip po étishning hajiti yoq. Peqet adetke aylan’ghan saxta geplerla hemishe qayta-qayta sözlep perdazlinip ünüm qazi nishi mumkin.
Rastchilliq filyetonning jénidur. Peqetla adet tughining sayiside öz kömichige chogh tartidighan, xeqning heywisidin paydilinip tére taraqshitidighan saxtipez tülkiler heqiqiy hayatiy küchke ige filyeton yazalmaydu.
Mubada filyeton’gha tebir bérish zörür dep qaralsa, «shéiriy til bilen yézilghan rast gep» dep atalsa eng muwapiq bolidu.
Durus bolush filyetonchilar hazirlashqa tégishlik muhim pezilet we sapadur. Turmushtiki natoghriliqlarni körgen haman ghezebtin titrigen kishini filyetonchi dések artuq ketmeydu. Peqet shu xil psixik haletni yétildürgen kishila heqiqiy filyeton yazalaydu.
«Ghezebtin shair tughulidu» déyishidu. Filyetonchimu ghezebtin apiride bolidu. Mijezi éghir-bésiq, ghem yémes, mötiwer süpet kishilerning filyetonchi bolalishi besi müshkül- dur. Filyeton bezide bir nuqtigha hujum qilip bashqisini mustesna qilghini tüzük.
Filyeton bilen hezil tughqan kélidu. Filyetonning qénida hezilning «xromosoma»liri bolidu. Pir kamillar hezilni «eqil-paraset, terbiyilinish we exlaqiy jehettiki ewzellik tuyghusining topliship ipadilinishi» dégeniken. Hezil tuyghusigha bay, heqiqiy munewwer filyetonlar del shu eqilliq, terbiye körgen, bolupmu rohiy we exlaqiy jehettin özide ewzellik tuyghusi yétil dürgen kishilerning qolida yézilip chiqilidighanliqigha ishensek bolidu.
Sen’et saheside filyeton bir az atikachiraq bolsimu, lékin u hergizmu hozursiz ölük hezil yaki küldürgülerdiki mezisiz küldürüshlerge oxshimaydu. U xil atikachiliq beeyni ösmürlerdiki ghubarsizliqtur.
(Aptori: Wang Daxey Terjiman: Dawut Adil)
Calendar
Sun Sep 13 2015, 15:12 by 
Mawzu: Filyeton Toghrisida