Sabiq Oghri
(Hékaye)
Seid Ehmed [ Özbékistan ]
Bolushi Mumkin Bolghan Hékaye!
Meyli qéri,meyli yash bolsun aghzigha éhtiyat bolmiqi lazim iken.Hashimjan qizip kétip bir éghiz sözlep saldi-yu, balagha qaldi.
__ kichiklik dengla, ata-anam yoq, bazarda bir tal qoghun oghrilap tutulup qaldim. saqchida bir kün yattim. shu ishlar ésimge yetse xélighiche xijalette qalimen. buninggha 41 yil boptu.
Bar-yoqi shu bir éghiz gep. söhbetdashlar arisida bir ilmiy xadim olturghan iken. qachan, qayerde, dep sürüshtürüp qaldi. Hashimjan
30yil oqutquchiliq qilip yéqinda pinsiyege chiqqan. u téxi adettiki oqutquchi bolmastin xizmet körsetken oqutquchi idi. az dégendimu
ikki-üch ming balini oqutqan. u balilar ichidin nechchiligen penler kandidati, nechchilep injénér, doktor chiqqan idi.
Üch-töt kündin kéyin Hashimjanningkige héliqi ilmiy xadim keldi. bala terbiyesi we qanun heqqide uzundin-uzun'ghiche paranglashti
we gep arisida u Hashimjandin:
__ saqchidin chiqqandin kéyin özingizge qandaq xulase chiqardingiz? __ dep sorap qaldi. Hashimjan néme déyishini bilelmey bir pes
qiynaldi we :
__ bu ishqa 40 yildin ashqachqa, eyni chaghda qandaq xulase chiqarghinim ésimde qalmaptu , __ dep jawab berdi.
__ her halda , __ dédi ilmiy xadim.
__ Her haldimu? her halda özümge tégishlik xulase chiqarghan bolushum mumkin. ashu ishtin kéyin qoghun yémeydighan bolup qalghanmen.
__ démek saqchilarning terbiyiwiy rolini inkar qilmaysiz ?
Hashimjan sel ghesh boldi, shundaqtimu " he , elbette "dep qoydi.
Shuning bilen parangmu tügidi.emma aridin nechche kün ötkende öyige bir teklibname keldi. teklibnamide "Hürmetlik Hashimjan
Alimjanow, Uniwérsitéttiki oqughuchilar yighilishigha qedem teshrip qilishingizni iltimas qilimiz " déyilgenidi.
Bundaq jaygha, yeni ijtimaiy paaliyetlerge yaq, dégili bolamti? Hashimjan saqalini qirdurup, ésil kastumini kiyip yétip bardi.
Uniwérsitét klubigha adem sighmay qalghan idi. ishik aldida "Téléwiziye istansisi "dégen xetler yézilghan aptobus, ichkiriside muxbirlar, télékaméra kötürüshkenler ... Hashimjanni munberge teklib qilishti, awu kündiki ilmiy xadim sehne töride olturuptu. buninggha Hashimjan heyranmu qalmidi. olturghan bolsa olturghandur, dep oylidi. emma u munberge chiqip gep bashlighanda heyranliqtin aghzi échilipla qaldi. ilmiy xadim ishtiyaqi bilen awazini gah kötürüp, gah peseytip sözlidi :
__ ... mana , udulungizda sabiq jinayetchiler, yoltosarlar, oghrilar ...
Hashimjanning közi tikilipla qaldi. gepning dawamini angliyalmidi , chünki quliqi wingildap , béshi aylinip ketkenidi. ilmiy xadim dawamlashturmaqta idi :
__ emma bu jinayetchiler bizning yardimimizde qayta terbiyelen'gen, jem'iyitimizning angliq grajdanlirigha aylan'ghan ...
Hashimjan halidin ketti. qandaqlarche yighin tügigenlikini, qandaqlarche öyige kelginini bilelmidi.
aridin üch kün ötüp téléwizor körüp olturatti, birdinla ilmiy xadim ékranda peyda bolup qaldi. héliqi kündiki filim qoyulup, " sabiq oghrilar "ning beshirsini körsetmekte idi.
Hashimjan yer yérilmighan bolsimu yerge kirgidek boldi. chünki yénida ikki newrisi, kélini olturatti. uningdin bashqa yene nechche minglighan oqughuchiliri shu yerde " sabiq oghri " muellimlirini körüp olturushqandur ...
Shu geptin kéyin aridin sekkiz ay ötti. héliqi ilmiy xadim pen kandidati , dégen unwan'gha érishti. bu ishtin uni kandidat qilghan "sabiq oghri " ning xewiri yoq idi.
Calendar
Sun Sep 13 2015, 15:12 by 
Mawzu: Sabiq Oghri 